SALM 38:2 - Lai (Hakha) Common Language Bible 2006

² Dan cu na ka tat cang i na ka hrem cang; na ka tuk cikcek cang.

Laibaibal Thiang (BSI)

² Zeitintiah na fei nih thukngai in a ka chunh i na kut in kun lak in na ka nam chih.

SALM 38:2 Խաչաձեւ Հղումներ

SALM 32:4

Bawipa, chunzan in dan na ka tat i ka thazang cu a dihlak in a zor, ṭhal ni lin nih khua a roter bantuk khin ka thazang cu a ro dih. Selah

JOB 6:4

Zeicahtiah Lianngan Bik nih a thal in a ka kah i A sivai nih ka thlarau cu a ciah. Pathian ṭihnunnak nih cun hmaitonh in an ka tianhnawh.

ṬAHNAK HLA 3:12

A likuk kha a za a sih i Keimah cu cantiang hna ca hmuichon ah a ka ser.

SALM 64:7

Sihmanhsehlaw Pathian nih a thal in a kah ciammam hna i chikkhatte ah khin hma an pu ko.

SALM 21:12

A thal in a kah hna lai i an i mer lai i an thi lai.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.

1 SAMUEL 5:11

Cucaah Filistin bawi vialte kha an cah an pumh hna i, “Israel Pathian i a kuang cu kalter ko u, kanmah le kan mi hna kha a kan thah nakhnga lo, amah umnak hmun ah kirter ṭhan ko u,” tiah an ti. Zeitintiah khua chungah khan ṭih a nung ngaingaimi launak a um dih. Pathian kut cu khika ah a rit ngaingai ko.

1 SAMUEL 5:6

Ashdod khuami hna cungah Bawipa kut cu a rit i Ashdod khuami hna le a pawngkam i a ummi hna cu an thin a phanter hna i tak bonak in a hrem hna.

RUTH 1:13

nannih nih an upat tiang nan hngah hna hnga maw? Va ngei loin maw nan um ko hnga? Si hlah e, ka fanu hna, nanmah caah hin ka ngaih a chia hringhran ko, Bawipa kut cu keimah doh ah cun pei a chuah cang fam cu,” tiah a ti.

DEUTERONOMI 2:15

Zeicaahtiah, an loh dih tiang, mibu chungin hrawh awkah Bawipa kut cu an cungah a um taktak ko.

SALM 6:2

ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,