SALM 37:34 - Lai (Hakha) Common Language Bible 2006

³⁴ Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

Laibaibal Thiang (BSI)

³⁴ BAWIPA kha hngak, a lam kha zul law hi ram co dingin an cawisan lai; misuaksual hna hrawh dih an si kha na hmuh hna lai.

SALM 37:34 Խաչաձեւ Հղումներ

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

PHUNGTHLÛKBIA 20:22

“Ṭhat lonak cu ṭhat lonak in ka rulh lai,” tiah va ti hlah, Bawipa kha va hngak law, amah nih an bawmh lai

SALM 37:9

Bawipa aa bochanmi cu him tein ram chungah hin an um ko lai; sihmanhsehlaw miṭhalo cu ṭhawl an si lai.

MATTHAI 24:13

Sihmanhsehlaw a dongh tiangin a fekmi cu khamh an si lai.

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

1 PETER 5:6

Cucaah cun a ṭhawngmi Pathian kut toiah toidor tein khuasa u law amah nih a caan a rem a ti tikah an hlorh te hna lai.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

PHUNGTHLÛKBIA 16:17

Miding hna nih cun ṭhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.

SALM 91:8

Miṭhalo cu zeitindah dantatnak a in kha na zoh lai i na hmuh lai.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

SALM 25:13

Nun nuam tein an um lai i an fale cu hi ram chungah hin him tein khua an sa lai.

SALM 92:12

Miding mi cu tumkung bantukin an hninghno lai i Lebanon tlang sidar thingkung bantukin an ṭhang lai.

SALM 112:8

Lungrethei le thinphang in a um lo; ka ral cu an sung hrimhrim lai ti kha a hngalh.

PHUNGTHLÛKBIA 29:16

Miṭhalo hna nawl ngeitu an si tikah sualnak a karh, sihmanhsehlaw an tluk kha miding mi hna nih cun an hmuh lai.

ISAIAH 57:13

Kan bawm u, tiah nan au tikah khan, nan siasal nih cun in khamh hna seh. Thaw thaw khat nih a choih hna lai. Sihmanhsehlaw keimah a ka bochanmi cu ram chungah hin an um lai i keimah kha ka Biakinn cungah an ka biak lai,” a ti.