SALM 36:2 - Lai (Hakha) Common Language Bible 2006

² Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

Laibaibal Thiang (BSI)

² A sualpalhnâk a hmuh i a huat tikah, amah mithmuh ah mah le mah thiam â coter tawn.

SALM 36:2 Խաչաձեւ Հղումներ

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

SALM 49:18

Hi vawleicung a nun chungah hin saduhthah in nung kho hmanh seh law khua awng a ton ruangah thangṭhatnak hmu hmanh seh law

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

ROM 3:9

A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

LUKA 10:29

Sihmanhsehlaw Phungbia cawnpiaktu sayapa nih cun thiam hun i coh kha a duh i, “Ahodah ka innpa cu a si?” tiah Jesuh kha a hal.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.