SALM 33:3 - Lai (Hakha) Common Language Bible 2006

³ Hla thar in thangṭhat u, dawh ngaiin hri hra tingtang cu tum u law fak piin hla sa u.

Laibaibal Thiang (BSI)

³ A sinah hla thar sa u law, lunglomhnâk aw he thiam ngaiin tum u.

SALM 33:3 Խաչաձեւ Հղումներ

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

1 CHANRELNAK 25:7

Annih cu an unaule, Bawipa thangṭhatnak hlasak i cawnpiakmi, a thiammi vialte he, za hnih sawm riat pariat an si.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

SALM 96:1

Bawipa cu hla thar in thangṭhat u, vawlei mi vialte hna, Bawipa cu hla in thangṭhat u!

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

SALM 144:9

Maw Pathian, nangmah cu hla thar in kan thangṭhat lai, tingtang kha kaa tum lai i kan thangṭhat lai.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

1 CHANRELNAK 13:8

Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

SALM 149:1

Bawipa cu thangṭhat u! Bawipa cu hla thar in thangṭhat u; a mithiang an i pumhnak ah amah cu thangṭhat u.

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

2 CHANRELNAK 34:12

Cun rian cu zumhtlak tein an ṭuan. An cungah khan Merari fapa hna Levi mi Jahath le Obadiah, cun Kohath mi hna fapa hna chungin Zekhariah le Meshullam cu zohkhenhtu ah an chiah hna. Cun awdawh tumnak thilri i a thiammi Levi mi vialte hna kha,

1 CHANRELNAK 15:22

Levi mi hla ah a hruaitu hna Chenaniah nih hla cu a thiam caah a hruai awk hna a si lai.

SALM 40:4

Bawipa kha aa bochan i siasal leiah aa mer lo i pathian taktak a si lomi a biami hna sinah aa fon lomi cu lunglawmmi an si.