SALM 32:11 - Lai (Hakha) Common Language Bible 2006

¹¹ Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

Laibaibal Thiang (BSI)

¹¹ Miding hna, BAWIPA ah i nuam ulaw i lawm u; lungthin a dingmi vialte hna i nuam in au tuah u.

SALM 32:11 Խաչաձեւ Հղումներ

SALM 64:10

Bawipa nih a tuahmi thil ruangah khan miding mi vialte cu an i lawm lai; Bawipa chungah cun himnak an hmuh lai i miṭha vialte nih amah cu an thangṭhat lai.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

SALM 97:12

Bawipa nih a tuahmi thil ruangah, a dingmi nannih vialte i lawm tuah u. Mi Thiang nih a tuahmi kha philh hlah u law amah kha lawmhnak in thangṭhat u. amah kha lawmhnak in thangṭhat u.

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

SALM 5:11

Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu.

SALM 68:3

Sihmanhsehlaw miding mi cu an i lawm lai i a hmaiah khan an tha a nuam lai; lunglawm ngaingai in an um lai.

SALM 33:1

Miding vialte hna, Bawipa nih a tuahmi thil ruangah i lawm tuah u; amah a nawl a zulmi vialte hna, amah cu thangṭhat tuah u.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 3:1

A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

SALM 125:4

Bawipa, ṭhatnak a tuahmi hna cungah ṭhatnak tuah ve ko, na nawl a ngaimi hna cungah ṭhatnak tuah ko.

SALM 32:2

Bawipa nih, sual a phawt lomi le a lung chungah hlennak a ngei lomi cu a lung aa lawm.

SALM 7:10

A ka hupphengtu cu Pathian a si, amah nawl a ngaimi cu a khamh hna.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.

SALM 98:4

Vawlei mi vialte hna, lunglawm in Bawipa cu hla in thangṭhat tuah u; lawmhnak hla in thangṭhat u law a au in au u!