SALM 30:5 - Lai (Hakha) Common Language Bible 2006

⁵ A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

Laibaibal Thiang (BSI)

⁵ A thinhunnâk cu mitṭhep kar lawng a si i a duhpiaknâk cu nunnâk caah; ṭahnâk nih zan a nguh kho ko, asinain zingah lunglomhnâk a phân.

SALM 30:5 Խաչաձեւ Հղումներ

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

SALM 103:9

Mawhchiat chih lengmang kha a hmang lo i thinhung zungzal in a um lo.

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

SALM 63:3

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

SALM 46:5

Pathian cu khuapi chungah cun a um i zeihmanh nih a hrawk bal lai lo; zingka tein amah bawmh awkah a ra lai.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

GENESIS 32:24

Amah lawng hnuah a tang. Cun mipa pakhat nih khuadei tiang a hung paih.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

SALM 47:7

Pathian cu vawlei cung dihlak siangpahrang a si; amah cu hla in thangṭhat tuah u.

SALM 97:12

Bawipa nih a tuahmi thil ruangah, a dingmi nannih vialte i lawm tuah u. Mi Thiang nih a tuahmi kha philh hlah u law amah kha lawmhnak in thangṭhat u. amah kha lawmhnak in thangṭhat u.

SALM 145:10

Bawipa, na sermi thil vialte nih an in thangṭhat lai, na sermi hna nih an in lawmh lai!

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.