SALM 30:2 - Lai (Hakha) Common Language Bible 2006

² Bawipa, ka Pathian, nangmah sinah bawmhnak hal in ka au i na ka damter.

Laibaibal Thiang (BSI)

² Maw BAWIPA, ka Pathian, na sinah ka au i naka damter.

SALM 30:2 Խաչաձեւ Հղումներ

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

SALM 6:2

ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,

SALM 147:3

Lungkuai mi kha a damter hna i an hma kha a menpiak hna.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

SALM 88:13

Bawipa, ka bawm ko sawh, tiin kan auh; zing fate in na sinah thla ka cam.

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

SALM 51:8

Lunglawmhnak le thanuamnak aw thawng cu ka theihter law na ka khiah i na ka hrilh cang nain ka lung aa lawm ṭhan lai.

SALM 118:18

Fak piin dan a ka tat, sihmanhsehlaw thih ngaingai cu a ka siang lo.

SALM 35:24

Bawipa, nang cu na ding, cucaah misual lo ka si kha ka thanhpiak tuah; ka Pathian, ka ral cu ka cungah diriam in umter hna hlah.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

SALM 145:1

Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.