SALM 28:9 - Lai (Hakha) Common Language Bible 2006

⁹ Na mi cu khamh ko hna, Maw Bawipa; nangmah ta a simi cu thluachuah pe ko hna. An tuukhal si law zungzal in veng ko hna.

Laibaibal Thiang (BSI)

⁹ Na mi hna hi khamh in na comi ro zong thluachuah pe in cawm hna law, zungzal in kilveng ko hna.

SALM 28:9 Խաչաձեւ Հղումներ

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

SALM 78:71

Amah cu Israel siangpahrang ah a ser, Pathian mi hna tuukhal ah a ser.

DEUTERONOMI 9:29

Zeitintiah annih cu nangmah mi le ro, a liannganmi na ṭhawnnak le samhmi na ban in na chuahpimi hna an si,’ a ti.

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

EZRA 1:4

cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saṭil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

1 SIANGPAHRANG 8:51

(zeitintiah annih cu thir somei, Izipt ram, chungin na chuahpimi hna na mi le na ro an si).

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

SALM 25:22

Maw Pathian, na mi cu kan harnak chung hin kan khamh ko!

1 SIANGPAHRANG 8:53

Zeitintiah maw Bawipa, Pathian, nangmah nih kan pupa hna Izipt ram chungin na chuahpi hna tikah na sal Moses sinin na rak thanh cang bantuk khan, na ro si awkah vawleicung mi vialte hna lakin na rak thleidan cang hna,” tiah a ti.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

ISAIAH 46:3

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

SALM 14:7

Israel khamhnak cu Zion in ra seh ti ka hei duh hringhran dah! Bawipa nih a mi cu luatnak a pek ṭhan hna tikah, Jakob tefa cu an lung aa lawm lai, Israel mi cu an tha a nuam lai.

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

2 SAMUEL 21:3

Cun David nih Gibeon mi cu a thawh hna i, “Zeidah kan tuahpiak hna lai? Cun nannih nih Bawipa ro kha thluachuah nan pek naklai kei nih zeitindah sual thianhnak kha ka tuah lai?” tiah a ti.

2 SAMUEL 7:7

Israel mi vialte he kaa chawhnak hmun dihlak ah, ka mi Israel mi hna kha zohkhenh awk i nawl ka pekmi Israel mi biaceihtu hna aho sin tal ah, “Zeicahdah sidar inn na ka sakpiak lo?” tiah bia kaa khat tal ka chim maw?’ a ti tiah va chim.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

DEUTERONOMI 9:26

Cun Bawipa sinah hi bangin thla ka cam, ‘Maw Bawipa Pathian, nangmah nih na lianhngannak thawngin na tlanh i Izipt ram in a ṭhawngmi kut he na chuahpimi na mi le na ro cu hrawk hlah,