SALM 28:7 - Lai (Hakha) Common Language Bible 2006

⁷ Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

Laibaibal Thiang (BSI)

⁷ BAWIPA cu ka ṭhawnnâk le ka phaw a si; ka lungthin in kâ bochan i bomh ka si; cucaah ka lungthin hi â lawm ngaingai, ka hla he amah cu ka thangṭhat lai.

SALM 28:7 Խաչաձեւ Հղումներ

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 28:8

Bawipa nih a mi kha a huhphenh hna; a thimmi a siangpahrang kha a chanh i a khamh.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 69:30

Pathian cu hla in ka thangṭhat lai, a lianhngannak cu ka thanh lai i amah cungah kaa lawmhnak cu ka chim lai.

SALM 22:4

Kan pupa nih an in bochan, nangmah cu an in bochan i na khamh hna.

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 21:1

Bawipa, nangmah nih thazang na pek caah siangpahrang cu aa lawm; teinak na pek caah lawmhnak in a khat.

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 33:21

Amah thawngin kan lung aa lawm i a min thiang cu kan i bochan.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

SALM 19:14

Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw Bawipa, ka lungpi le ka tlantu.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

SALM 3:4

Bawipa kha ka auh i a tlang thiang cungin a ka leh.

SALM 13:6

Bawipa cu ka cungah a ṭhat zungzal caah amah cu hla in ka thangṭhat lai.

SALM 37:39

Bawipa nih miding cu a khamh hna i harnak caan ah a huhphenh hna.

SALM 43:2

Nangmah cu a ka hupphengtu Pathian na si; zeicahdah na ka kaltak? Ka ral nih an ka hremnak hi zeicahdah ka in zungzal ko lai?

SALM 46:2

Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;