SALM 28:4 - Lai (Hakha) Common Language Bible 2006

⁴ An tuahmi thil ruangah khan dantat hna, thil ṭhalo an tuahmi vialte ruangah khan, dantat hna. An rianṭuanning in lehrul ko hna hmuh awk an i tlakmi kha pe ko hna.

Laibaibal Thiang (BSI)

⁴ An tuahmi bangin pe hna law, an suahsualnâk he â tlâkmi le an kut in an tuahmi bangin pe hna, an phu tawk cio in pe hna.

SALM 28:4 Խաչաձեւ Հղումներ

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

SALM 103:10

Hmuh awk kan i tlakning in dan a kan tat lo, kan sualnak le ṭhat lonak kan tuahmi ning zongin a kan lehrul lo.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

SALM 5:10

Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna.

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

SALM 21:10

Siangpahrang nih an fale kha a thah dih hna lai i an tefa kha a nawn dih hna lai.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

ṬAHNAK HLA 3:64

Maw Bawipa, an tuahmi ruangah lehrul ko hna, Annih nih hmuh awkah an i tlakmi cu pe ko hna.