SALM 28:1 - Lai (Hakha) Common Language Bible 2006

¹ Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

Laibaibal Thiang (BSI)

¹ Maw BAWIPA, ka lungpi, na sinah ka au lai: dai tein ka um tâk hlah, dai tein naka umtâk ahcun khor chungah a tlami bantuk ka si ko lai.

SALM 28:1 Խաչաձեւ Հղումներ

SALM 143:7

Bawipa, atu ah ka let ko sawh, ruahchannak zeihmanh ka ngei ti lo! Ka thuh tak hlah, na ka thuh tak ahcun mithi khua i a vung kalmi bantuk ka si ko lai.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

PHUNGTHLÛKBIA 1:12

Sheol bantukin an nung na bu in dolh hna u sih; Sualnak an ngei lo nain khor chung i a vung kalmi hna bantuk khi si hna seh.

SALM 83:1

Maw Pathian, um sawhsawh ko hlah; dai zirziar le holh loin um hlah, maw Pathian!

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

ISAIAH 26:4

Bawipa kha i bochan zungzal ko u, amah nih an huhphenh zungzal hna lai.

JOB 33:28

Khor chung i vung kalnak khan aa khamh i a nung i ceunak kha a hmu.

ISAIAH 38:18

Mithi khuami nih cun ahohmanh nih an in thangṭhat kho lo, mithi nih cun zumhawktlak na si kha an i bochan kho lo.

SALM 35:22

Sihmanhsehlaw Bawipa, nangmah nih hihi cu na hmuh cangmi a si. Cucaah dai tein um hlah, Maw Bawipa; lamhlatpi ah um sawh hlah.

SALM 30:9

Ka thihnak cun zei ṭhatnak dah a chuak lai? Thlan i ka va kalnak cun zei miaknak dah a chuak lai? Mithi nih an in thangṭhat khawh maw? A dong lomi na ṭhatnak cu an chim khawh maw?

SALM 22:2

Chun ah nangmah cu kan auh, maw ka Pathian, sihmanhsehlaw na ka let lo; zan zongah kan auh, sihmanhsehlaw dinh ka hmu kho hlei lo.

SALM 3:4

Bawipa kha ka auh i a tlang thiang cungin a ka leh.

SALM 77:1

Pathian cu fak piin ka auh, fak piin ka auh i a ka theih.

SALM 69:15

Tilian cu ka fenhter sawh hlah; a thukmi ti chungah cun ka pilter sawh hlah, thlan chungah cun ka tlakter sawh hlah.

SALM 5:2

Ka Siangpahrang le ka Pathian, ka thlacamnak hi ka ngaihpiak tuah. Bawipa nangmah sinah thla ka cam lai;

SALM 142:1

Bawmhnak hmuhduh ah Bawipa cu ka auh i amah cu ka nawl.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

SALM 42:9

Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

SALM 30:4

Nannih a mithiang hna, Bawipa cu thangṭhat u; A Thiangmi Pathian nih a tuahmi kha philh hlah u law amah kha lawm u.

SALM 142:2

Ka harnak vialte kha amah ka chimh dih i ka retheihnak vialte kha ka hngalhter.