SALM 26:1 - Lai (Hakha) Common Language Bible 2006

¹ Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

Laibaibal Thiang (BSI)

¹ Maw BAWIPA, thiam ka coter, zeitintiah zumhtlâk in ka nung. BAWIPA kha kâ bochan i ka tlu lai lo.

SALM 26:1 Խաչաձեւ Հղումներ

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 7:8

Bawipa, nangmah cu mi vialte biaceihtu bawi na si. Kei cu miṭha le a sual lomi ka si caah keimah lei ṭanh in biakhiahnak kha tuah ko.

PHUNGTHLÛKBIA 20:7

Mipa cu a nunning kha a din i a ṭhat ahcun, a hnu i a tefa hna cu thluachuakmi an si.

SALM 21:7

Siangpahrang nih Cung Nung Bik cu aa bochan i Bawipa dawtnak a fekmi thawngin siangpahrang a si zungzal lai.

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

SALM 121:3

A ka hupphengtu cu i ṭhang peng ko seh law, ka tlukter sawh hlah seh:

SALM 94:18

Ka ke kha an nal cuahmah tikah, Bawipa, na dawtnak nih a ka tlaih.

SALM 62:6

Amah lawnglawng hi a ka hupphengtu le Khamhtu a si, amah cu ka ralhruang a si i ahohmanh nih an ka tei bal lai lo.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 54:1

Maw Pathian, na ṭhawnnak in ka khamh ko; na thazang in ka luatter ko.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 37:31

A Pathian nawlbia kha a lung chungah aa chiah i zeitikhmanh ah a kaltak lo.

SALM 35:24

Bawipa, nang cu na ding, cucaah misual lo ka si kha ka thanhpiak tuah; ka Pathian, ka ral cu ka cungah diriam in umter hna hlah.

SALM 31:14

Sihmanhsehlaw kaa bochanmi cu nangmah na si, maw Bawipa; nangmah cu ka Pathian na si.

SALM 26:11

Kei tu cu ahmaanmi thil kha ka tuah; ka zaangfah law ka khamh tuah.

SALM 25:21

Nangmah kha kan bochan caah ka ṭhatnak le ka lih chim lonak nih ka huppheng ko hna seh.

SALM 25:2

Sungh ningzahnak chung khan ka khamh law ka ral cu ka cungah an di riamhter hna hlah.

SALM 15:2

A um ding cu, zeizong vialte ah Pathian nawl a zul i a hmaanmi thil a tuah zungzal i a bia biahmaan le biatak a si i

SALM 4:5

Bawipa cu a hmaanmi raithawinak kha pe u law amah cu i bochan tuah u.

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

JOB 4:6

Pathian na ṭihnak cu naa bochanmi a rak si lo maw? Na ziaza tlinnak cu naa hngatchanmi a si lo maw kha?