SALM 24:8 - Lai (Hakha) Common Language Bible 2006

⁸ A liannganmi siangpahrang cu ahodah a si? A liannganmi siangpahrang cu a ṭhawng i a lian a nganmi, raltuknak hmun in teitu a simi Bawipa kha a si.

Laibaibal Thiang (BSI)

⁸ Sunparnâk Siangpahrang cu ahodah a si? BAWIPA mi ṭhawng le thilti kho, BAWIPA, ral dohnâk i thil a ti kho ngaimi cu a si.

SALM 24:8 Խաչաձեւ Հղումներ

BIAPHUAN 6:2

Ka hun zoh i rang rang pakhat ka hmuh. A cung i aa citmi nih cun likuk pakhat aa put i amah cu bawiluchin pakhat an pek. Teitu nih tei awkah aa thawh bantukin aa thawh.

EXODUS 15:3

Bawipa cu ralkap a si, a min cu Bawipa a si.

KOLOSE 2:15

Cun vailam cungah khan Khrih nih thlarau uktu hna le nawlngeitu hna ṭhawnnak khan aa hlitphuak i zapi zoh awk men ah khan a ser hna i teinak in a kalnak ah khan sal tlaihmi bantukin a hruai hna.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.