SALM 24:5 - Lai (Hakha) Common Language Bible 2006

⁵ Bawipa nih thluachuah a pek hna lai i annih a khamhtu hna Pathian nih, nan sual lo, a ti hna lai.

Laibaibal Thiang (BSI)

⁵ BAWIPA thluachuahnâk a co lai i a khamhnâk Pathian sinin dinnâk a co lai.

SALM 24:5 Խաչաձեւ Հղումներ

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

GALATI 5:5

Kannih kan i ruahchanmi cu Pathian nih kannih cu amah he a kan remter lai ti hi a si i cucu Pathian Thlarau nih zumhnak thawngin a tuahmi thil kannih nih ngangngan ngaiin kan hngahmi hi a si.

GALATI 3:9

Abraham nih Pathian kha a rak zumh i thluachuahnak a hmuh; cu bantukin Pathian a zummi paoh cu Abraham bantukin thluachuah an hmu ve.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 51:8

Cu bantuk mi cu rungrul eimi puan bantukin an lo lai! Sihmanhsehlaw ka rak putmi luatnak cu zungzal in a hmun lai, ka teinak cu zungzal in a hmun lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

SALM 88:1

Bawipa Pathian, ka khamhtu, chun nitlak in ka au i zan ah na hmaika ah ka ra.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 68:19

Ni khat hnu ni khat kan thilrit a kan changtu Bawipa cu thangṭhat ko u, amah cu a kan khamhtu Pathian a si.