SALM 24:4 - Lai (Hakha) Common Language Bible 2006

⁴ Tuahnak le lungthin in a thiang i siasal kha a bia lo i hlennak biakam a tuah lomi kha an kai kho lai i an lut kho lai.

Laibaibal Thiang (BSI)

⁴ Kut thiang le lungthin thiang a ngei i milem leiah a lungthin a pe bal lo i lih in chiatserh a hmang bal lomi an si lai.

SALM 24:4 Խաչաձեւ Հղումներ

MATTHAI 5:8

Lungthin a thiangmi cu lunglawmmi nan va si dah! Pathian kha nan hmuh lai.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

SALM 73:1

Pathian hi Israel mi hna cungah a ṭha taktak ko, lung thiang a ngeimi hna cungah a ṭha taktak ko.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

SALM 26:6

Maw Bawipa, ka sual lo langhnak caah ka kha kaa ṭawl i nangmah biak awkah na biakṭheng velchum ah kaa chawk.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

SALM 18:20

Ka din caah Bawipa nih laksawng a ka pek, a sual lomi ka si caah thluachuah a ka pek.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

EZEKIEL 18:6

Khuahrumbo ah khan rawl a ei bal lo, Israel mi siasal kha a zohcho bal hna lo i midang nupi sinah a sual lo i nu kha an hnisuk lioah a naih bal hna lo.

PHUNGTHLÛKBIA 20:9

Aho tal nih, “Ka lung cu ka thianter i ka sualnak in ka thiang cang,” an ti kho lai maw?

SALM 25:1

Maw Bawipa, nangmah sinah thla ka cam, ka Pathian, nangmah cu kan bochan.

JOB 9:30

Chatphiat in i kholh hmanh ning law, ka kut cu cangal in i ṭawl hmanh ning law,

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

EZEKIEL 18:15

Khuahrumbo ah rawl a ei bal lo, Israel mi hna siasal kha a zohcho bal hna lo, midang nupi he a sual bal lo. Mi kha a hrem hna lo, biakamnak thil kha a la lo i a fir lo.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

SALM 51:12

Na khamhnak chungin a chuakmi lawmhnak kha ka pe ṭhan law ka lungthin cu nangmah nawl zulh duhmi ah ser ko.