SALM 23:4 - Lai (Hakha) Common Language Bible 2006

⁴ A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

Laibaibal Thiang (BSI)

⁴ Asi, thihnâk thladem horkuang ah kal hmanh ninglaw thil ṭhalo ka ṭih lai lo, zeitintiah ka sinah nang na um; na tanbo le na ṭhiangṭhunh nih ka hna an ngamter.

SALM 23:4 Խաչաձեւ Հղումներ

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

SALM 118:6

Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.

SALM 3:6

A ka kulhtu ka ral thong tampi hi ka ṭih hna lo.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

SALM 44:19

Asinain sahrang lakah na kan kaltak i a thuk bik muihnak chungah na kan chiahtak ṭhiamṭhiam.

SALM 14:5

Sihmanhsehlaw Pathian cu a nawl a ngaimi hna sinah a um caah annih cu an thin a phang ngaingai lai.

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

ZEKHARIAH 11:10

Ka fung, Lawmhnak, timi kha ka lak i tan hnih ah ka tan i Bawipa nih miphun vialte he biakamnak a tuahmi kha ka hrawh.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

JOB 24:17

A muimi zan cu an caah zingka a si, Zeicahtiah annih cu a thukmi muihnak hawikom kha an si.

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

ZEKHARIAH 11:14

Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.