SALM 23:1 - Lai (Hakha) Common Language Bible 2006

¹ Bawipa cu tuukhal bantukin a ka vengtu a si, ka herhmi vialte kha a ka pek dih.

Laibaibal Thiang (BSI)

¹ BAWIPA cu ka tuukhal a si; chambau in ka um lai lo.

SALM 23:1 Խաչաձեւ Հղումներ

FILIPI 4:19

Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

SALM 78:52

Cun tuukhal bangin a mi cu a chuahpi hna i ramcar chungah khan lam a hruai hna.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

SALM 79:13

Cun kannih na mi, na tuurun chung tuu hna nih hin, zungzal in kan in lawmh lai i kan hmailei hna.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.

EZEKIEL 34:14

Tlonnak hmun ṭha ah khan ka tlonter hna lai i an ram hninghno cu Israel tlang sang hna kha an si lai. Khika ah an i din lai, khika ram hninhnonak hmun ah khan an um lai i Israel ram tlang cungah khan ram ṭam awk tampi an hmuh lai.