SALM 22:31 - Lai (Hakha) Common Language Bible 2006

³¹ A chuak rih lomi minung kha, “Bawipa nih mi a khamh hna,” tiah an chimh hna lai.

Laibaibal Thiang (BSI)

³¹ A dinnâk phuang dingin an ra lai i a chuak rih lomi hna sinah BAWIPA nih hihi a tuah tiah an phuan lai.

SALM 22:31 Խաչաձեւ Հղումներ

SALM 78:6

Cuticun hmai chan mi nih an hngalh ve lai i an fale kha an cawnpiak ve hna lai.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

SALM 102:18

Bawipa nih a tuahmi thil kha a ra lai ding chan caah ṭial tuah u, cuticun a chuak rih lomi nih amah kha an thangṭhat khawh lai.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

ISAIAH 60:4

I mer law na pawngkam ah khan zeidah a um ti kha zoh tuah. Na mi cu inn i tlun awkah an i pum. Na fapa hna cu lamhla piin an ra lai i na fanu hna cu ngakchia bangin puak cungin an ra lai.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

SALM 40:9

Bawipa na mi an i pumhnak ah, na kan khamhnak thawng ṭha kha ka chim. A chim cu a ngol in ka ngol bal lai lo, ti kha na hngalh.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.