SALM 22:1 - Lai (Hakha) Common Language Bible 2006

¹ Ka Pathian, ka Pathian, zeicahdah na ka hlawt? Ka bawm ko sawh, tiah fak piin ka au, sihmanhsehlaw bawmhnak cu a ra hlei lo.

Laibaibal Thiang (BSI)

¹ Ka Pathian, ka Pathian, zeicahdah naka kaltâk? zeiruangahdah aka bawmtu dingah hlapi ah na um? ka hrumainâk bia chungin na hla tuk ê?

SALM 22:1 Խաչաձեւ Հղումներ

MARKA 15:34

Zanlei suimilam pathum ah Jesuh cu fak piin a au i, “Eloi, Eloi, lema sabakthani,” tiah a ti, a sullam cu, “Ka Pathian, ka Pathian, zeicahdah na ka kaltak,” ti a si.

MATTHAI 27:46

suimilam pathum tluk ah khin Jesuh cu a au i, “Eli, Eli, lema sabakthani,” a ti, a sullam cu, “Ka Pathian, ka Pathian, zeicahdah na ka kaltak,” ti a si.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

JOB 3:24

Ka aihramnak cu ka rawl a si i Ka hrum-ainak cu ti luan in a luang.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

SALM 10:1

Maw Bawipa, zeicahdah lamhla tuk ah na um? Zeicahdah harnak caan ah naa thuh?

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.

SALM 22:11

Hung ka hlaat sawh hlah! Harnak nih a ka naih i a ka bawmtu ahohmanh an um lo.

SALM 71:11

An i thawh i, “Pathian nih a hlawt cang, dawi u sih law tlai u sih; zeicahtiah a chanhtu ding ahohmanh an um lo,” an ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

SALM 38:8

Ka tha a dih cikcek i ka ril ko, lungrethei le sivang in ka hram.

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

SALM 16:1

Maw Pathian, nangmah cu kan fuh ko, ka huppheng ko sawh.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

ISAIAH 59:11

Kan ning a ṭi, kan thla a kam. Pathian nih hremnak le ṭhat lonak chungin kan khamh seh ti kan duh, sihmanhsehlaw zeihmanh a um lo.

SALM 26:9

Misual hna sinah ka thah chih hlah, lainawngmi hna sinah ka hlonh chih hlah —

LEVITIKAS 2:6

na hmal cikcek lai i chiti na toih lai; mah cucu changvut thawinak a si.