SALM 21:5 - Lai (Hakha) Common Language Bible 2006

⁵ Nangmah nih na bawmh caah a sunparnak cu a ngan, minthannak le lianhngannak na pek,

Laibaibal Thiang (BSI)

⁵ A sunparnâk cu na khamhnâk ah a lianngan, upatnâk le lianhngannâk a cungah na chiah.

SALM 21:5 Խաչաձեւ Հղումներ

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

JOHAN 17:22

Nangmah le keimah cu pakhat kan si bantuk hin pakhat an si khawh ve nakhnga, sunparnak na ka pekmi kha ka pek hna.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 96:6

Sunparnak le rumra cu a velchum ah an um i lianhngannak le dawhnak cu a biakinn chungah an um.

SALM 62:7

Khamhnak ka hmuhmi le upatnak ka hmuhmi cu amah thawng lawnglawng in a si; amah cu a ṭhawngmi lungpi ka him a si.

SALM 8:5

Nangmah lawnglawng hi a cungah a ummi na si i sunparnak le upatnak cu a lu ah na chinh.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

1 CHANRELNAK 17:27

cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

SALM 61:7

Pathian, na hmaika ah cun zungzal in uktu si seh law a fekmi na dawtnak le zumhawktlak na sinak khan amah cu kilveng ko.

SALM 133:3

Hermon Tlang dap, Zion tlang cung i a tlami bantuk a si. Zion Tlang ah cun thluachuahnak kan pek hna lai, tiah Bawipa nih bia a kan kam, zungzal nunnak cu.