SALM 20:6 - Lai (Hakha) Common Language Bible 2006

⁶ Atu cu Bawipa nih a thimmi siangpahrang kha teinak a pek ti ka hngalh cang; a thiangmi a vancung khin a run leh i a ṭhawngmi a lianhngannak in teinak kha a pek.

Laibaibal Thiang (BSI)

⁶ BAWIPA nih chiti a thuhmi a khamh tiah atu ah ka hngalh cang; a thianghlimmi a van khin a khamhnâk orhlei kut a ṭhawngmi he a leh lai.

SALM 20:6 Խաչաձեւ Հղումներ

SALM 28:8

Bawipa nih a mi kha a huhphenh hna; a thimmi a siangpahrang kha a chanh i a khamh.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

LAMKALTU 4:10

nannih nan dihlak le Israel mi vialte dihlak nih nan hngalh awk cu, hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

SALM 18:50

Pathian nih a siangpahrang cu teinak nganpi a ka pek; a fekmi a dawtnak kha a thimmi keimah David le Ka tefa hna cungah zungzal in a langhter.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

SALM 41:11

Cu tikah ka cungah na lung aa lawm ti le ka ral nih an ka tei lai lo ti kha ka hngalh lai.

SALM 18:35

Bawipa, nangmah nih na ka huhphenh i, na ka khamh; na ka zohkhenhnak nih mingan ah a ka ser i na dawtnak nih him tein a ka umter.

SALM 17:7

Maw Khamhtu Bawi, na dawtnak khuaruahhar cu langhter ko; na kiang kan um ahcun kan ral hna kut chungin kan him.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

1 SIANGPAHRANG 8:30

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

SALM 9:15

Lawkihmi nih khor an cawh i anmah an tla; rap an chiah i anmah an i foih.

MIKAH 4:5

Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.