SALM 20:5 - Lai (Hakha) Common Language Bible 2006

⁵ Cun teinak na hmuhmi ruangah khan lunglawm in kan au lai, teinak na hmuhmi cu kan Pathian thangṭhat in kan conglawmh lai Na halmi vialte cu Bawipa nih in pe ko seh.

Laibaibal Thiang (BSI)

⁵ Na khamhnâk ah kan i lawm lai i kan Pathian min in kan puanzar hna kan zar lai. BAWIPA nih na halmi vialte cu tlinter ko seh.

SALM 20:5 Խաչաձեւ Հղումներ

EXODUS 17:15

Moses nih biakṭheng pakhat a ser i a min ah, “Bawipa cu ka hmelchunhnak puanzar a si,” a ti.

SALM 60:4

Nangmah an ṭihmi hna caah hmelchunhnak na phun, sihmanhsehlaw an i let i an ral hna sin khan an zam ṭhiamṭhiam.

1 SAMUEL 1:17

Cun Eli nih a leh i, “Dai tein va kal ko, Israel mi Pathian nih amah na halmi cu in pe ko seh,” tiah a ti.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

LUKA 1:47

I lawm tuah, ka nunnak, Bawipa na khamhtu cungah;

SALM 118:15

Pathian mi hna thlam chung i ral teinak au thawng cu ngai hmanh: Bawipa ṭhawnnak a liannganmi nih kan ral cu a tei hna,

SALM 35:9

Cu tikah Bawipa ruangah cun kei cu kaa lawm lai i a ka khamh caah ka tha a nuam lai.

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

HABAKKUK 3:18

Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai.

MIKAH 4:5

Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.

SALM 19:4

asinain an aw cu vawlei khuazakip ah a thang i an bia cu vanhramdeng a phan. Bawipa nih ni cu van ah khin thlam a sakpiak i

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

SALM 21:1

Bawipa, nangmah nih thazang na pek caah siangpahrang cu aa lawm; teinak na pek caah lawmhnak in a khat.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

SALM 21:3

Thluachuahnak tampi he na len i a lu ah suiluchin na chinh.