SALM 19:5 - Lai (Hakha) Common Language Bible 2006

⁵ nupi ṭhi tlangval a inn in a hung chuah bantuk khin a hung chuak, tlik aa zuammi tlik zuamnak i an hung chuah bantuk khin a hung chuak.

Laibaibal Thiang (BSI)

⁵ Cu nika cu mo ngeitu ding a inkhân chungin arak chuakmi bantuk le tlikzuamnâk i miṭhawng lunglawm in a tli hngami bantuk a si.

SALM 19:5 Խաչաձեւ Հղումներ

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

PHUNGCHIMTU 1:5

Ni cu a chuah kel in a chuak ṭhiamṭhiam ko, a tlakning in a tla ṭhiamṭhiam ko; A chuahnak hmun ah khan a hram in i thawk ṭhan awkah a kir ṭhan lengmang ko.

JOB 38:13

Vawlei kha a tlang in i tlaih i fizang cu a umnak hmun khan thin awkah, Zinglei cu na cawnpiak bal maw?