SALM 19:14 - Lai (Hakha) Common Language Bible 2006

¹⁴ Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw Bawipa, ka lungpi le ka tlantu.

Laibaibal Thiang (BSI)

¹⁴ Maw BAWIPA, ka ṭhawnnâk le ka tlanhtu, ka kâ chung bia le ka lungthin chung ruahnâk hna hi na mithmuh ah cohlân awktlâk si ko hna seh.

SALM 19:14 Խաչաձեւ Հղումներ

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 51:15

Maw Bawipa, biachim ka bawm law nangmah cu kan thangṭhat lai.

SALM 119:108

Maw Bawipa, ka lunglawmhnak thlacamnak cu ka cohlang law, na nawlbia kha ka cawnpiak tuah hna.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

JOB 19:25

Zeicahtiah a ka Tlanhtu a nun kha ka hngalh i Ni hmanung bik ah cun vawlei cungah hin a dir lai;

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

ISAIAH 47:4

Israel Pathian thiang nih a kan luatter — a min cu Lianngan Bik Bawipa a si.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.