SALM 16:3 - Lai (Hakha) Common Language Bible 2006

³ Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

Laibaibal Thiang (BSI)

³ Vulei cungah a ummi mithiang hna caah, “Annih cu miṭha taktak, kâ lawmhnâk vialte umnâk an si,” tiah ka ti.

SALM 16:3 Խաչաձեւ Հղումներ

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 12:26

Miding nih cun ṭhat lonak kha an hrial, Sihmanhsehlaw miṭhalo nih cun a pialtertu hna lam kha an zulh.

2 CHANRELNAK 6:41

“Maw Bawipa Pathian, tho law na umnak hmun ah cun kal tuah, Nangmah le na ṭhawnnak kuang zong. Maw Bawipa Pathian, na tlangbawi hna cu khamhnak in thuam hna law, Na mithiang hna cu na ṭhatnak in lawmhter hna.

LAMKALTU 9:13

Ananias nih cun a leh i, “Bawipa, mi tampi nih hi pa kong hi an ka chimh; Jerusalem khua i na mi hna cungah thil ṭhalo a tuahmi vialte kha ka theih.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

ISAIAH 62:4

“Hlawtmi,” ti na si ti lai lo i na ram zong “Kaltakmi Nupi” ti a si ti lai lo. Na min thar cu “Hefzibah” ti a si lai i na ram cu “Beulah” ti a si lai. Cu Bawipa kha na cungah aa lawmh caah a si i na ram caah va bantuk a si lai.

PHUNGTHLÛKBIA 8:31

Vawlei kha a ser dih tikah a cungah lente kaa celh i kaa nuamhnak cu minung hna chungah khan a si.

SALM 119:63

Na rian a ṭuanmi hna cu ahohmanh an si ah ka hawikom an si, na phunglam a zulmi hna i an hawikom ka si.

SALM 116:15

A mi pakhatkhat an thih tikah Bawipa caah zeitluk in dah a fah!

SALM 101:6

Zumhawktlak bikbik kha ka hawikom ah kaa thim hna lai i ka sal cu an nunning soi awk a um lomi kha an si lai.

SALM 30:4

Nannih a mithiang hna, Bawipa cu thangṭhat u; A Thiangmi Pathian nih a tuahmi kha philh hlah u law amah kha lawm u.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

GALATI 6:10

Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

SOLOMON HLA 7:10

Kei cu nang ta si ai ing ee, Cia loin ee ruahzun len ka si.

SALM 122:8

Ka rualchan hna le ka hawikom hna ruangah, Jerusalem cu, “Na chungah daihnak um seh,” ka ti.