SALM 145:1 - Lai (Hakha) Common Language Bible 2006

¹ Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

Laibaibal Thiang (BSI)

¹ Maw Siangpahrang, ka Pathian, kan cawisân lai. Na min cu zungzal in zungzal tiang ka thangṭhat lai.

SALM 145:1 Խաչաձեւ Հղումներ

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

SALM 30:12

Cucaah dai tein ka um lai lo; nangmah cu kan thangṭhat ko lai. Bawipa, nangmah cu ka Pathian na si, a zungzal in kan thangṭhat lai.

SALM 34:1

Bawipa cu a zungzal in ka lawmh lai, amah thangṭhat cu a ngol in ka ngol lai lo.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

SALM 45:1

Hi hla siangpahrang ka phuah ah hin, ka lungthin cu holh dawh in a khat; ka lei cu ca ṭial thiammi cafung bantuk a si.

SALM 44:4

Nangmah cu ka siangpahrang le ka Pathian na si; nangmah nih na mi cu teinak na pek hna.

SALM 30:1

Maw Bawipa, nangmah nih na ka khamh i ka ral kha ka cungah diriam in na umter hna lo caah kan thangṭhat.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 145:21

Bawipa cu ka thangṭhat lai, thilnung vialte nih a min thiang cu zungzal in thangṭhat hna seh!

SALM 100:1

Vawlei mi vialte hna, lunglawm in Bawipa cu hla in thangṭhat u!

SALM 95:3

Zeicahtiah Bawipa cu a ṭhawngmi Pathian a si, pathian dang vialte cung siangpahrang ṭhawng a si.

SALM 68:4

Pathian cu hla in thangṭhat u, a min cu thangṭhat u; khuadawm aa citmi caah cun lam kha ser tuah u. Amah a min cu Bawipa a si — amah hmaiah cun i lawm tuah u!

SALM 52:9

Maw Pathian, na tuahmi thil ruangah kan lawmh zungzal lai; na mi hna lakah nangmah ṭhatnak kha ka chim zungzal lai.

SALM 5:2

Ka Siangpahrang le ka Pathian, ka thlacamnak hi ka ngaihpiak tuah. Bawipa nangmah sinah thla ka cam lai;

1 CHANRELNAK 29:13

Cucaah kan Pathian, nangmah cu kan in lawmh i a sunglawimi na min cu kan thangṭhat.

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

SALM 30:2

Bawipa, ka Pathian, nangmah sinah bawmhnak hal in ka au i na ka damter.

SALM 75:9

Sihmanhsehlaw kei cu Jakob Pathian kong chim kha ka bang lai lo i amah thangṭhatnak hla sak zong kha ka ngol bal lai lo.

SALM 96:2

Bawipa cu hla in thangṭhat u, a kan khamhnak thawng ṭha kha nifate in chim u.

SALM 118:28

Nangmah cu ka Pathian na si i kan lawmh; na lianhngannak cu ka thanh lai.

SALM 146:2

Ka nun chung vialte amah cu ka thangṭhat lai; nunnak ka ngeih chung paohpaoh ka Pathian cu hla in ka thangṭhat lai.

ISAIAH 38:20

Bawipa, nangmah nih na ka damter, tingtang tum in na thangṭhatnak hla ka sa lai, kan nun chung paohpaoh cu Biakinn chungah nangmah thangṭhatnak hla kan sa lai.