SALM 142:2 - Lai (Hakha) Common Language Bible 2006

² Ka harnak vialte kha amah ka chimh dih i ka retheihnak vialte kha ka hngalhter.

Laibaibal Thiang (BSI)

² Ka vansannâk kong a sinah ka bungh i a sinah ka harnâk kong ka phuan.

SALM 142:2 Խաչաձեւ Հղումներ

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.