SALM 141:6 - Lai (Hakha) Common Language Bible 2006

⁶ An uktu bawi hna kha lungpang cungin hlonh an si tikah, mi nih ka bia ahmaan kha an hngalh lai.

Laibaibal Thiang (BSI)

⁶ An biaceihtu kha lungpang ah thlâk an si, cun annih nih ka bia an ngaih cang lai, zeitintiah ka bia cu a thlummi an si.

SALM 141:6 Խաչաձեւ Հղումներ

2 CHANRELNAK 25:12

Judah mi nih a dang sang khat kha a nung in an tlaih hna i lungpang cungah an kaipi hna i lungpang cung cun an nam hna i an dihlak in an i som dih.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

1 CHANRELNAK 13:2

Cun David nih Israel mi aa pummi vialte cu a thawh hna i, “Nannih nih a ṭha tiah nan ruah i Bawipa kan Pathian duhnak a si ahcun, Israel ram chung i a um rihmi kan unau hna le an sin i a ummi tlangbawi hna le Levi mi hna, saṭil tlonnak ram a ngeimi khua chung i a ummi hna kha, kan sinah i pumh ve awkah an rat nakhnga, hei sawm hna u sih.

1 CHANRELNAK 12:38

Hi ralkap vialte hna, raldohnak hmun i chuah awkah timh cia tein a ummi hna cu, David kha Israel siangpahrang ah kan ser hrimhrim lai tiah i tim in Hebron ah an ra; cu bantuk ṭhiamṭhiam in Israel mi vialte hna zong cu David kha siangpahrang i ser awkah lungkhat tein an um.

2 SAMUEL 23:1

Cun mah hihi David bia hmanung bik cu an si: Jesse fapa David bia, sangpi ah cawimipa, Jakob Pathian chiti thuhmi, Israel mi hla dawh phuah thiamtu bia cu:

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.