SALM 141:5 - Lai (Hakha) Common Language Bible 2006

⁵ Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

Laibaibal Thiang (BSI)

⁵ Miding nih ka tu seh, zângfahnâk a si lai. Ka sî ko seh, lu i sathau thuh bantuk a si lai. Ka lu nih rak al hlahseh, zeitintiah suahsualnâk an tuah tiangin ka thlacamnâk nih a ralchanh hna lai.

SALM 141:5 Խաչաձեւ Հղումներ

PHUNGCHIMTU 7:5

Mihrut mi nih na thangṭhatnak hlasak in an sak nakin, mifim mi nih an in sik kha a ṭha deuh.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

PHUNGTHLÛKBIA 25:12

Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

PHUNGTHLÛKBIA 19:25

Miporhlaw cu na velh ahcun mihrut bantukin an huat lai, hngalhthiamnak a ngeimi tu cu chimhring law na duhnak kha a hngalh lai.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

PHUNGTHLÛKBIA 6:23

Zeicahtiah nawlbia cu meiinn a si i cawnpiaknak cu ceunak a si,

SALM 125:4

Bawipa, ṭhatnak a tuahmi hna cungah ṭhatnak tuah ve ko, na nawl a ngaimi hna cungah ṭhatnak tuah ko.

SALM 51:18

Maw Pathian, Zion cu zaangfah law bawm tuah; Jerusalem kulhnak vampang cu remh ṭhan hna.

SALM 23:5

Ka ral hna hmaika ah rawl na ka dangh, ka lu ah chiti na ka toih i ka hrai cu a liam in a liam.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

PHUNGTHLÛKBIA 15:22

Ruahnak i cheuhnak a um lo ahcun khuakhannak kha a pingah a kal tawn, sihmanhsehlaw ruahnak cheutu an tam ahcun a hlawh a tling tawn.

LEVITIKAS 19:17

“Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

PHUNGTHLÛKBIA 12:1

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.