SALM 140:6 - Lai (Hakha) Common Language Bible 2006

⁶ Bawipa cu ka thawh i, “Nangmah cu ka Pathian na si,” ka ti. Bawipa, nangmah bawmhnak hal in ka aunak cu ka theihpiak ko!

Laibaibal Thiang (BSI)

⁶ BAWIPA sinah, “Nang cu ka Pathian na si, Maw BAWIPA, zângfah kan nawlnâk aw hi ka ngaih piak tuah,” tiah ka ti.

SALM 140:6 Խաչաձեւ Հղումներ

SALM 31:14

Sihmanhsehlaw kaa bochanmi cu nangmah na si, maw Bawipa; nangmah cu ka Pathian na si.

SALM 16:2

Bawipa cu ka thawh i, “Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si,” ka ti.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 119:57

Nangmah lawnglawng hi kan duhmi na si ko, Maw Bawipa; na phunglam zulh awkah bia kaa kam.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ṬAHNAK HLA 3:24

Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;

SALM 143:1

Bawipa, ka thlacamnak cu ka theihpiak law kan nawlnak cu ka ngaihpiak ko. Nang cu na ding i zumhawktlak na si caah Ka thlacamnak cu ka let tuah.

SALM 130:2

Ka aunak cu ka theihpiak law bawmh kan halnak cu ka ngaihpiak ko!

SALM 116:1

Bawipa nih ka thlacamnak kha a ka ngaihpiak i a ka theihpiak caah Bawipa cu ka dawt.

SALM 91:2

“Bawipa, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai.

SALM 64:1

Maw Pathian, harnak ka tong, ka thlacamnak cu ka ngaihpiak tuah! Ka thin a phang, ka ral hna kut chungin ka khamh tuah!

SALM 57:7

Ka lung a hmun ko, maw Pathian, ka lung a fek ko; nangmah thangṭhatnak hla ka sa lai.

SALM 142:4

Ka pawngkam kha ka zoh tikah, a ka bawmtu ding ahohmanh ka hmu hna lo, a ka hupphengtu ding ahohmanh an um lo, ahohmanh ka zawn a ka ruattu an um lo.

JEREMIAH 18:22

Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.