SALM 14:6 - Lai (Hakha) Common Language Bible 2006

⁶ Miṭhalo hna nih sifakmi an khuakhannak cu dawnkhan hna hmanh seh law a humhaktu hna cu Bawipa a si ko.

Laibaibal Thiang (BSI)

⁶ Mi sifak remruat kha na zahpi, asinain BAWIPA cu a himnâk a si.

SALM 14:6 Խաչաձեւ Հղումներ

SALM 9:9

Hremnak a ingmi hna caah Bawipa cu himnak hmun a si i harnak caan ah ralhruang fek a si.

SALM 42:10

An ka nihsawhnak nih a ka hrilh cang, annih nih, ‘Khuazei ah dah na Pathian cu a um kun?’ tiah an ka ti chih lengmang,” ka ti.

SALM 4:2

Nannih minung hna, zei can dah na ka serhsat lai? Zei can dah santlailo thil kha nan duh lai i lihbia kha nan dawi lai? Selah

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

EZEKIEL 35:10

Na thawh i, Miphun pahnih hna, Judah le Israel cu an ram pahnih hna he, khika ah Bawipa ka um ko nain, keimah ta an si lai i ka co hna lai, na ti.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 40:17

Kei cu ka si a fak i ka re a thei, sihmanhsehlaw Bawipa, nangmah nih na ka ruah ko. Nangmah cu ka Khamhtu le a ka Bawmtu na si — rau sawh hlah, Maw ka Pathian!

SALM 3:2

An ka thangchiat i, “Pathian nih a bawm lai lo,” an ka ti.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.