SALM 132:17 - Lai (Hakha) Common Language Bible 2006

¹⁷ Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

Laibaibal Thiang (BSI)

¹⁷ Cuka ah David ki cu ka corhter lai, sathau ka thuhmi caah meiin ka timhpiak lai.

SALM 132:17 Խաչաձեւ Հղումներ

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

EZEKIEL 29:21

“Khi tikah Israel nih nge no a corh ṭhan lai i annih lak i biachim khawhnak kha ka pek ṭhan lai i cun annih nih Bawipa ka si kha an hngalh lai,” a ti.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 15:4

Sihmanhsehlaw David ruangah, Bawipa a Pathian nih Jerusalem khua ah meiinn pakhat a pek, amah hnuah a fapa cu a hun thawhter i Jerusalem kha a fehter;

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

2 SIANGPAHRANG 8:19

Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.

SALM 89:25

A penmi a ram cu Mediterranean Rili in Zufrates Tiva tiang ka phakter lai.