SALM 132:14 - Lai (Hakha) Common Language Bible 2006

¹⁴ Aa thawh i, “Hika hi zungzal ka umnak a si lai; hika hmun hi ka uknak ka chiahnak hmun ca i ka duhmi a si.

Laibaibal Thiang (BSI)

¹⁴ “Hihi kâ dinh zungzalnâk ding a si; hika hi ka duhmi a si caah ka um peng lai.

SALM 132:14 Խաչաձեւ Հղումներ

SALM 132:8

Maw Bawipa, biakamnak kuang he cun naa dinhnak hmun ah khan ra tuah, na ṭhawnnak hmelchunhnak a simi kuang he cun ra law zungzal in um tuah.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

SALM 135:21

Bawipa cu Zion ah thangṭhat u, a inn Jerusalem ah thangṭhat u. Bawipa cu thangṭhat u.

SALM 87:2

Jerusalem khua cu, Israel ram chung i hmun dang vialte nakin a dawt deuh.

SALM 76:2

A umnak inn cu Jerusalem ah khan a si i Zion Tlang cungah khan khua a sa.

1 SIANGPAHRANG 8:13

A sunglawimi inn, nangmah kan sakpiak cang, Zungzal in na umnak ding caah,” tiah a ti.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

ISAIAH 8:18

Zohhmanh, keimah le Bawipa nih a ka pekmi ka fale hi Zion Tlang i a ummi Ralkapbu Bawipa sinin a rami Israel mi caah hmelchunhnak le chingchiahnak kan si.

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

MATTHAI 23:21

cun Biakinn in chiat an ser tikah Biakinn cu le a chung i a ummi Pathian in chiat an ser a si.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

SALM 68:16

Zeicahdah cu bantuk tlang ngan, tlang zum tampi a ngeimi tlang nih, Pathian nih umnak ah aa thimmi tlang cu na nihsawh? Cuka ah cun Pathian cu, zungzal in a um ko ṭung lai!

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

1 CHANRELNAK 23:25

Cucaah David nih hi bangin “Bawipa, Israel Pathian nih a mi cu daihnak a pek cang hna; cun Jerusalem ah zungzal in a um.