SALM 131:1 - Lai (Hakha) Common Language Bible 2006

¹ Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

Laibaibal Thiang (BSI)

¹ BAWIPA ka lungput a sâng lo, ka mit zong a sâng lo, thil lianngan kong ka ruat ballo i ka phanh lomi ka banh bal lo.

SALM 131:1 Խաչաձեւ Հղումներ

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

SALM 139:6

Na ka hngalhnak hi a thuk tuk hringhran, ka ruahnak nih a phak khawh leng a si.

JOB 42:3

Sihmanhsehlaw ka hngalh lomi thil lianngan kha ka chim hna i Kei i hngalh awkah khuaruahhar tuk a simi kha ka chim hna.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

SALM 124:1

Bawipa kha kanmah leiah rak ṭang hlah seh law, zei huah dah kan rak huah hnga, Israel mi hna ka let tuah u!

SALM 122:1

“Bawipa inn ah kal u sih,” an ka ti tikah khan ka rak i lawm.

NAMBAR 12:3

Moses cu vawleicung mi vialte lakah lungnem bik a si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

1 SAMUEL 18:23

Cun Saul sinum hna nih hi bia cu David hna theih ah an chim. Cun David nih, “Keimah bantuk misifak le aho zei rel a tong lomi caah hin, siangpahrang tupa si hi thil hmetuai ah dahra nan rel hi?” tiah a ti.

1 SAMUEL 16:22

Cun Saul nih Jesse cu bia a hei cah i, “David cu ka rian ah hin um ko seh, zeitintiah a cungah ka mit a tling,” tiah a ti.

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

LAMKALTU 20:19

Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

1 SAMUEL 17:15

sihmanhsehlaw David cu a pa tuu kha Bethlehem i va cawngh awkah khan Saul sin cun aa chawk aa let lengmang.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

2 SAMUEL 6:22

Hi nak i nihsawh awk tlak deuh hmanh ah kaa ser ko lai i keimah mit hmanh ah zahpi awk tlak ka si ko lai, sihmanhsehlaw na chimmi sinum ngaknu pawl hna thawng khan pei upat ka si lai tiah,” tiah a ti.

PHUNGTHLÛKBIA 21:4

Miṭhalo cu ruamkainak le porhlawtnak nih a uk hna i hihi sual a si.