SALM 130:7 - Lai (Hakha) Common Language Bible 2006

⁷ Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

Laibaibal Thiang (BSI)

⁷ Aw, Israel BAWIPA kha i ruahchan; zeitintiah BAWIPA sinah vêl a um. A sinah duh a dimmi tlanhnâk a um.

SALM 130:7 Խաչաձեւ Հղումներ

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 131:3

Israel, atu in zungzal tiang, Bawipa cu i bochan ko.

ROM 8:24

Zeicahtiah ruahchannak in pei khamh kan si cu; sihmanhsehlaw kan i ruahchanmi cu kan mit in kan hmuh ahcun, cucu ruahchannak taktak cu a si hnga lo. Mit in hmuh komi cu aho nih dah an i ruahchan bal?

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

SALM 71:5

Bawipa, nangmah cungah ka ruahchannak vialte kha ka chiah, ka no lio tein nangmah cu kan bochan zungzal.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

LUKA 14:22

Cun tlawmpal ah khin a sinum nih cun a thawh i, ‘Bawipa, na nawl bangin tuah a si cang, sihmanhsehlaw hmun a lawng ko rih,’ tiah a ti.