SALM 130:4 - Lai (Hakha) Common Language Bible 2006

⁴ Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

Laibaibal Thiang (BSI)

⁴ Asinain ṭihzah na si khawh nakhnga na sinah ngaihthiamnâk a um.

SALM 130:4 Խաչաձեւ Հղումներ

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

SALM 25:11

Maw Bawipa, ka sualnak cu zeitluk hmanh in ngan seh law, na min ruangah ka ngaithiam ko.

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

JOB 22:23

Lianngan Bik sinah na kir ṭhan i na lung na ṭhumh i Na inn chungin dinlonak kha na dawi i