SALM 127:1 - Lai (Hakha) Common Language Bible 2006

¹ Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

Laibaibal Thiang (BSI)

¹ BAWIPA nih inn a sak lo ahcun, a satu hna thabâtnâk cu pakpalawng a si. BAWIPA nih khualipi a kilven lo ahcun a kilvengtu hna mitkuh hrio cu pakpalawng a si.

SALM 127:1 Խաչաձեւ Հղումներ

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

1 KORIN 3:7

A ci a tuhtu le ti a toihtu thamtham cu biapi an si ṭung lo. Pathian kha pei biapi cu a si cu, zeicahtiah amah nih khan pei a ṭhanter cu.

SALM 124:1

Bawipa kha kanmah leiah rak ṭang hlah seh law, zei huah dah kan rak huah hnga, Israel mi hna ka let tuah u!

ISAIAH 62:6

Maw Jerusalem, na ralhau cungah ralvengtu ka chiah hna, chun nitlak zan khuadei an dai lai lo. Bawipa nih biakamnak ka tuakmi kha an ka theihter ṭhan lengmang lai i ka biakam cu philh hrimhrim loin an ka tuah lai.

1 CHANRELNAK 28:10

Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah,” tiah a ti.

JEREMIAH 51:12

Babilon kha tu cang u, tiah hmelchunhnak alan thlai cang u. Ralvengtu kha chap hna u, sentari kha chia hna u, lamhruang attu dingmi kha chia hna u!” an ti. Bawipa nih tuah a timhmi kha a tuah cang i Babilon mi hna cungah ka tuah lai tiah a timi kha a tuah cang.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

1 KORIN 15:14

cun Khrih cu thihnak in thawhter a si lo ahcun, kannih cu chim awk zeihmanh kan ngei hnga lo i nannih zong zumh awk zeihmanh nan ngei hnga lo.

SALM 121:1

Tlang khi ka hei cuan hna i, khuazei in dah bawmhnak ka hmuh lai? ka ti.

SALM 123:1

Bawipa, nangmah lawng kei cu kan cuan ko, na umnak hmun van lei lawng ka zoh ko.

SALM 120:1

Harnak chung ka um tikah Bawipa cu ka auh i a ka leh.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

SALM 78:69

Cuka ah cun a biakinn kha a sak, vancung i a inn bantuk a si; vawlei bantuk fek in a ser i zungzal him dingin a tuah.

ISAIAH 56:10

A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!

SALM 122:1

“Bawipa inn ah kal u sih,” an ka ti tikah khan ka rak i lawm.

ISAIAH 27:3

“Ka mitsur dum cu ka cawngh i ti ka toih zungzal. Ahohmanh nih an hrawh nakhnga lo chunzan in ka cawngh.

1 CHANRELNAK 29:19

Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

SOLOMON HLA 5:7

Lungrawn khua vengtu hna nih kei ka hmu hna, Tukden le maw hliamhma pu in Hnemrang chuh tiang tong ai ing.

SOLOMON HLA 3:3

Khuachung ralveng thlanghnun val nih an ka ton, Ka dawt nunnem ka tum valpa cu, khuazei tal ah nan hmu maw ka ti.

JEREMIAH 51:31

Babilon siangpahrang cu, Na khualipi kha a kam kip in luhhnawh a si cang ti chimh awkah Zualko pakhat hnu pakhat nih an tlikhnawh.

SALM 72:1

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko;

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

JOSHUA 2:2

Cun Jeriko siangpahrang cu, “Zohhmanh, ram ngiatthlai awkah Israel mi tuzan ah hika ah an ra,” tiah an chimh.

1 SIANGPAHRANG 5:12

Cun Bawipa nih Solomon cu bia a kam bang khan fimnak a pek; cun Hiram le Solomon karlak ah remnak a um i annih pahnih nih hnatlaknak an ser.