SALM 122:1 - Lai (Hakha) Common Language Bible 2006

¹ “Bawipa inn ah kal u sih,” an ka ti tikah khan ka rak i lawm.

Laibaibal Thiang (BSI)

¹ BAWIPA innah kal usih, tiah ka sin i an chim lio ah kâ lawm.

SALM 122:1 Խաչաձեւ Հղումներ

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

SALM 134:1

Bawipa sal vialte hna, ra u law Bawipa cu thangṭhat u sih, zan i a biakinn chung i rian a ṭuanmi vialte hna, amah cu thangṭhat u sih.

SALM 120:1

Harnak chung ka um tikah Bawipa cu ka auh i a ka leh.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

SALM 121:1

Tlang khi ka hei cuan hna i, khuazei in dah bawmhnak ka hmuh lai? ka ti.

SALM 123:1

Bawipa, nangmah lawng kei cu kan cuan ko, na umnak hmun van lei lawng ka zoh ko.

SALM 55:14

Pakhat le pakhat bia ṭhaṭha kha kan rak i ruah i hawi zapi he hmunkhat ah biakinn ah kan rak kal ṭi tawn.

JEREMIAH 31:6

Efraim tlang cung i ralveng hna nih, “Ra u law Zion ah hung kal u sih, Bawipa kan Pathian sinah cun hung kal u sih,” an ti caan kha a ra lio, tiah a ti.

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

SALM 130:1

Ka awlok a chon caah nangmah cu kan auh, Maw Bawipa!

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

SALM 124:1

Bawipa kha kanmah leiah rak ṭang hlah seh law, zei huah dah kan rak huah hnga, Israel mi hna ka let tuah u!

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 129:1

Israel, na no lio tein na ral nih zeitluk in dah an rak in hrem kha, chim tuah!

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 132:1

Maw Bawipa, David kha philh hlah, a rianṭuanmi vialte zong kha philh hlah.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

EZEKIEL 46:10

Uktu bawi cu an sinah cun a um lai i an luh ah a lut ve lai i an chuah ah a chuak ve lai.