SALM 119:9 - Lai (Hakha) Common Language Bible 2006

⁹ Zeitindah tlangval nih thiang tein a um lai? Na nawl ngaihnak thawngin thiang tein a um lai.

Laibaibal Thiang (BSI)

⁹ Mino nih zeitindah a nunning a thianter khawh lai? Na bia ṭha te i zulhnâk lawngin a thiang kho lai.

SALM 119:9 Խաչաձեւ Հղումներ

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

PHUNGTHLÛKBIA 1:10

Ka fapa, misual mi nih an in lem ahcun, na hna tlakpi hna hlah.

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.

JOHAN 15:3

Nannih cu kan chimhmi hna bia thawngin nan thiang cang.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGTHLÛKBIA 4:1

Maw ka fapale hna, nan pa cawnpiaknak hi ngai u law, hngalhnak nan ngeih khawh nakhnga ṭha tein ngai tuah u;

PHUNGTHLÛKBIA 1:4

Lungtlawm mi nih fimnak an hmuh lai i Seino mi nih hngalhnak le ruahthiamnak an hmuh lai.

PHUNGTHLÛKBIA 7:7

Seino lungmawng rual hna lakah khan, ruahnak a ngei lomi tlangval pakhat kha ka hmuh;

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

LUKA 15:13

Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

DEUTERONOMI 17:18

“Cun a pennak siangpahrang ṭhutdan ah a ṭhut tikah, Levi mi tlangbawi hna nih an zohkhenhmi hi phungbia hi, cauk pakhat ah aa tlen lai,

SALM 17:4

Midang bantukin ṭhat lonak bia zeihmanh ka chim lo, na nawl kha ka zulh i puarhrannak lam kha ka zul lo.

PHUNGTHLÛKBIA 2:11

Fimnak nih an ven lai, hngalhthiamnak nih an zohkhenh lai;