SALM 119:144 - Lai (Hakha) Common Language Bible 2006

¹⁴⁴ Na kan cawnpiaknak cu zungzal in a ding, hngalhthiamnak ka pe law ka nung lai.

Laibaibal Thiang (BSI)

¹⁴⁴ Na hngalhtermi dinnâk nih zungzal a nguh, theihthiamnâk ka pe law, ka nung lai. DOPH

SALM 119:144 Խաչաձեւ Հղումներ

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

SALM 119:169

Maw Bawipa, nangmah bawmh hal in ka aunak cu na sin phakter ko. Bia na ka kamh bangin hngalhnak ka pe ko.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

SALM 119:73

Nangmah nih na ka ser i nangmah nih him tein na ka umter; na nawlbia kha ka hngalh khawh hna nakhnga hngalhthiamnak ka pe ko.

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

MATTHAI 5:18

Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo — zeizong vialte hi a donghnak an phak hlanah cun an rawk lai lo.

SALM 119:152

Na kan cawnpiaknak cu hlanlio piin ka rak hngalh cang, zungzal hmun dingin na ser hna.

SALM 119:138

Nangmah pekmi nawlbia cu an hmaan i an ding.

SALM 119:66

Na nawlbia kha kaa bochan hna caah fimnak le hngalhnak ka pe ko.

SALM 19:9

Bawipa biak cu a ṭha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

SALM 119:34

Na phunglam kha fiang tein ka chim law ka zulh lai; ka lungthin a dih umnak in ka zulh lai.

SALM 119:17

Na sal cungah hin ṭhatnak tuah ko, cuticun ka nung lai i na cawnpiaknak kha ka zulh hna lai.

SALM 119:151

Sihmanhsehlaw Maw Bawipa, nang nih cun lam nai tein na ka umpi i na biakamnak cu a si taktakmi an si.

PHUNGTHLÛKBIA 4:4

Ka pa nih cun a ka cawnpiak i, “Ka bia hi na lung in fek tein i tlaih hna, ka nawlbia hi zul hna law nung tuah;

PHUNGTHLÛKBIA 7:2

Ka nawlbia cu i ken hna law na nung lai, kan cawnpiaknak cu na mit falai bangin i ken hna;