SALM 118:6 - Lai (Hakha) Common Language Bible 2006

⁶ Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

Laibaibal Thiang (BSI)

⁶ BAWIPA cu keimah leiah a ṭang i, ka ṭih lai lo; minung nih ka cungah zeidah a tuah khawh lai?

SALM 118:6 Խաչաձեւ Հղումներ

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

SALM 56:4

Pathian cu kaa bochan i a biakam cu ka thangṭhat; amah cu kaa bochan i ka thin a phang lo. Minung menmen nih cun zeidah an ka ti khawh lai?

SALM 56:11

Amah cu kaa bochan i ka thin a phang lo, minung menmen nih cun zeidah an ka ti khawh lai?

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

1 SAMUEL 17:11

Saul le Israel mi vialte nih Filistin mipa bia kha an theih tikah an lung a dong i an thin a phang ngaingai.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.

SALM 56:5

Ka ral nih cun ka tuahmi thil kip ah harnak an ka pek, zeitindah a cungah fahnak kan tlunter khawh lai ti kha an ruat zungzal.

SALM 56:10

Pathian cu kaa bochan i a biakam cu ka thangṭhat, Bawipa biakamnak cu ka thangṭhat lai.

SALM 56:12

Pathian, na sinah ka rak i kammi kha kan pek lai, thangṭhat thawinak cu kan pek lai,

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

SALM 112:8

Lungrethei le thinphang in a um lo; ka ral cu an sung hrimhrim lai ti kha a hngalh.