SALM 118:12 - Lai (Hakha) Common Language Bible 2006

¹² Khuai zelh in an ka zelh, sihmanhsehlaw hlingbur kangh in an kang, Bawipa ṭhawnnak thawngin ka tei dih hna.

Laibaibal Thiang (BSI)

¹² Khuai rual bantukin ka dûm hmanh hna seh; hling bur a alhmi bangin an mit; zeitintiah BAWIPA min in ka hrawh hna lai.

SALM 118:12 Խաչաձեւ Հղումներ

DEUTERONOMI 1:44

Cun khi tlangram i a ummi Amor mi hna nih cun an in chuahhnawh hna i khuai nih mi an dawi bantukin an in dawi hna i Seir in Hormah tiang an in den chih len hna.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

SALM 20:5

Cun teinak na hmuhmi ruangah khan lunglawm in kan au lai, teinak na hmuhmi cu kan Pathian thangṭhat in kan conglawmh lai Na halmi vialte cu Bawipa nih in pe ko seh.

PHUNGCHIMTU 7:6

Mihrut cu an nih ah khin, hlingkung mei chung i a puah ṭhukmak bantuk khi a si, sullam zeihmanh a ngei lo.

SALM 20:1

Harnak na ton ni ah Bawipa nih in let ko seh. Jakob Pathian nih in huppheng ko seh!

SALM 58:9

An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

SALM 8:9

Maw Bawipa, kan Bawipa, na lianhngannak cu vawleicung dihlak ah hin a lang ko!

2 SAMUEL 23:6

Sihmanhsehlaw Pathian zei i a rel lomi hna cu, Hlonhmi hling bantuk an si; Zeitintiah annih cu kut in lak khawh an si lo;

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

ISAIAH 33:12

Thung ser awkah an khanghmi lung bantukin nan mot lai i vutcam ah cang lakin a kangmi hlingbur bantukin nan lo lai.