SALM 115:14 - Lai (Hakha) Common Language Bible 2006

¹⁴ Bawipa nih nangmah le na fale cu, tefa in pe ko hna seh!

Laibaibal Thiang (BSI)

¹⁴ BAWIPA nih in karhter chin chin ko hna seh; nanmah le nan fale hna he.

SALM 115:14 Խաչաձեւ Հղումներ

DEUTERONOMI 1:11

Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

LAMKALTU 3:25

Pathian nih a profet hna sinin biakamnak a sermi cu nanmah caah a si i nan pupa hna sinah Pathian nih biakamnak a sermi chung i aa telmi cu nan si. Kha biakamnak a ser tikah khan Abraham sinah cun a thawh i, ‘Nangmah na tefa hna thawngin vawleicung mi vialte cu thluachuahnak ka pek hna lai,’ tiah a rak ti.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

2 SAMUEL 24:3

Sihmanhsehlaw Joab nih siangpahrang cu a thawh i, “Bawipa na Pathian nih, siangpahrang ka bawipa nih a mit in a hmuh khawh lioah, atu i nak hin let za khat in mi cu chap ko hna seh; sihmanhsehlaw zeicahdah mah bantuk tuah hi siangpahrang ka bawipa nih hin na duh?” tiah a ti.

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.

BIAPHUAN 7:4

Cun an cal ah Pathian cakhenhnak in hmelchunhnak an khenhmi hna cu thong za khat le thong sawm li le thong li an si, Israel phun dihlak chungin an si, tiah an ka chimh.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.