SALM 115:13 - Lai (Hakha) Common Language Bible 2006

¹³ Amah a ṭihmi vialte cu thluachuah a pek hna lai, a hme a ngan thleidang loin a pek hna lai.

Laibaibal Thiang (BSI)

¹³ BAWIPA a ṭihtu hna cu mi ngan he mi hme he thlua a chuah hna lai.

SALM 115:13 Խաչաձեւ Հղումներ

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

LUKA 1:50

Amah a ṭihmi vialte kha chan khat hnu chan khat in a zaangfah hna.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

BIAPHUAN 19:5

Cun bawiṭhutdan khan aw pakhat a rung thang i, “Kan Pathian sal vialte hna le a mi vialte hna le amah a ṭihmi vialte hna, a hme a ngan in, kan Pathian cu thangṭhat tuah u,” a ti.

SALM 29:11

Bawipa nih a mi cu thazang a pek hna i thluachuah daihnak a pek hna.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

LAMKALTU 26:22

Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.