SALM 112:5 - Lai (Hakha) Common Language Bible 2006

⁵ Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

Laibaibal Thiang (BSI)

⁵ Miṭha nih cun zângfahnâk in a cawih tawn, amah cu felfai tein khua a sa lai.

SALM 112:5 Խաչաձեւ Հղումներ

SALM 37:21

Miṭhalo nih cun thil a cawi hna tikah a cham ṭhan ti hna lo, sihmanhsehlaw miṭha cu vel a ngei i nun a siang.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

PHUNGTHLÛKBIA 2:20

Cucaah miṭha mi hna lam cu zul law miding mi hna lam cu i tlaih tuah.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

JOHAN 6:12

An khim tikah a zultu kha, “An ei bang kha char dih hna u, pakhat hmanh hlolak hna hlah u sih,” tiah a ti hna.

ROM 12:11

Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u.

ROM 5:7

Mi ṭha caah cun thih ngamh zong an um phum hnga nain a dingmi ca i thih cu a harmi thil a si.

LUKA 23:50

Judea ram khua, Arimathea an timi ah hin mipa pakhat a min Josef a simi a um. Amah cu miṭha le hmaizah awktlakmi a si i Pathian Pennak a tlun lainak a hngakmi kha a si. Amah cu Khawngsil chungah khan aa telmi a si ve nain an biachahnak le an thil tinak kha a hna a tla lo.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

PHUNGTHLÛKBIA 17:18

Midang caah aamah aa khaang i biakamnak caah aa pemi cu mihrut a si.

PHUNGTHLÛKBIA 12:2

Bawipa nih miṭha cu a lawmh hna, sihmanhsehlaw ṭhat lonak khua a khangtu cu sual a phawt hna.

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

LAMKALTU 11:24

Barnabas cu miṭha a si, Thiang Thlarau le zumhnak in a khatmi a si. Cun mi tampi nih Bawipa cu an zumh.

PHUNGTHLÛKBIA 24:27

Lenglei thil vialte kha ṭha tein tim dih hmasa hna, Cun na lo kha sersiam hna law cu hnuah cun nupi ṭhit le innlo khuasak tintuk cu a si lai.

PHUNGTHLÛKBIA 18:9

Mahle rian ah a daithlangmi cu hrawkhraltu unau a si.

NEHEMIAH 4:13

Cucaah kulhnak vampang hnulei i a ummi hmunlawng a niamnak bik ah khan mi cu an innchungkhar ning cio in an nam le an fei le an li he tiah ka chiah hna.