SALM 112:10 - Lai (Hakha) Common Language Bible 2006

¹⁰ Miṭhalo pawl nih khan hihi an hmuh i an ing a puang, an hacang lawng an rial ko; an rak i ruahchanmi kha pakpalawng ah a can dih bantuk khan annih zong an lo ve.

Laibaibal Thiang (BSI)

¹⁰ Misuaksual nih a hmuh lai i a thin a hung lai, a hacang a rial lai i a tlum dih lai; misuaksual duhnâk cu a lotlau dih lai.

SALM 112:10 Խաչաձեւ Հղումներ

LUKA 13:28

Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai.

PHUNGTHLÛKBIA 11:7

Miṭhalo cu a thih tikah aa ruahchanmi vialte cu amah sinah khan an lo, rumnak i bochan cu zeihmanh a ṭhahnem lo.

PHUNGTHLÛKBIA 10:28

Miding hna ruahchannak cu lunglawmhnak a phan, Sihmanhsehlaw miṭhalo hna nih an i ruahchihmi cu pakpalawng ah a cang.

SALM 86:17

Bawipa, na ṭhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.

SALM 37:12

Miṭhalo nih miṭha hrawhnak ding khua kha a khan i a hacang a rialhnawh.

JOB 8:13

Pathian a philhmi hna cu an dihlak in cu bantuk cu an si; Pathian zei ah a rel lomi hna cu an nunnak hri a cat.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

JOB 20:7

Amah ek bantukin a lo ṭhan ko lai; Amah a rak hmumi hna nih khan, ‘Khuazei ah dah a um?’ an ti lai.