SALM 111:3 - Lai (Hakha) Common Language Bible 2006

³ A tuahmi thil cu upatnak le lianhngannak in a khat; a dinnak cu zungzal in a hmun.

Laibaibal Thiang (BSI)

³ A tuahmi kha upat a tlâk i a sunglawi, a dinnâk cu zungzal in a hmun.

SALM 111:3 Խաչաձեւ Հղումներ

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

SALM 119:142

Na dinnak cu zungzal in a hmun lai, na phunglam cu ahmaan zungzal ko.

ISAIAH 51:8

Cu bantuk mi cu rungrul eimi puan bantukin an lo lai! Sihmanhsehlaw ka rak putmi luatnak cu zungzal in a hmun lai, ka teinak cu zungzal in a hmun lai.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

SALM 19:1

Van nih khin Pathian sunparnak a langhter i a tuahmi thil kha a kan hmuhsak.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

SALM 119:144

Na kan cawnpiaknak cu zungzal in a ding, hngalhthiamnak ka pe law ka nung lai.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

SALM 112:3

An innchungkhar hna cu an rum an lian lai i khua awng an pem zungzal lai.