SALM 11:5 - Lai (Hakha) Common Language Bible 2006

⁵ Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

Laibaibal Thiang (BSI)

⁵ BAWIPA nih miding a hniksak tawn; asinain misuaksual le zângen a hmangmi cu a nunnâk in a huat hna.

SALM 11:5 Խաչաձեւ Հղումներ

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

1 PETER 4:12

Ka dawtmi ka hawile hna, a fakmi temhinnak nan in caah hin, nan khuaruahhar hlah u, kan cungah a um bal theng lomi thil a tlung tiin ruat hlah u.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

SALM 26:2

Ka hneksak law ka hlathlai cikcek tuah, Maw Bawipa, ka lung duhnak le ruahnak hi zoh tuah hna.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

SALM 21:8

Siangpahrang nih a ral kha a tlaih dih hna lai i a huatu vialte kha a tlaih dih hna lai.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

JEREMIAH 12:8

Tupi chung i chiandeih bantukin ka mi hna hrimhrim nih an ka zuanhnawh i an ka awnhhnawh; Cucaah anmah cu ka huat hna.

SALM 139:1

Bawipa, na ka kawl dih hirhiar i na ka hngalh dih cikcek!

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

SALM 5:6

Lihchim mi cu na hrawh dih hna i mipuarhrang le mihlenhmang cu na nautat hna.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.