SALM 108:3 - Lai (Hakha) Common Language Bible 2006

³ Maw Bawipa, miphun hna lakah kan lawmh lai, mi vialte hna lakah kan thangṭhat lai.

Laibaibal Thiang (BSI)

³ Maw BAWIPA, mizapi hmaiah kan thangṭhat lai, miphun hna hmaiah nangmah thangṭhat in hla ka sa lai.

SALM 108:3 Խաչաձեւ Հղումներ

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

SALM 117:1

Miphun vialte hna, Bawipa cu thangṭhat u! Mi vialte hna, amah cu thangṭhat u!

ZEFANIAH 3:14

Zion fanu, lunglawmhnak in au tuah, Israel, teinak au in au tuah; Jerusalem fanu, i lawm law na lungthin dihlak in i lawm tuah.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.