SALM 107:3 - Lai (Hakha) Common Language Bible 2006

³ ram dang in an tlunpi hna, nichuah, nitlak, chaklei, thlanglei in an tlunpi hna.

Laibaibal Thiang (BSI)

³ Ramkip in a pumh hna, nichuah le nitlak, chak le thlangah a pumh hna.

SALM 107:3 Խաչաձեւ Հղումներ

SALM 106:47

Maw Bawipa, kan Pathian, kan khamh tuah, miphun tampi lak i kan i ṭheknak in kan khawm ṭhan law na min thiang kha kan thangṭhat lai i nangmah lawmhnak bia chim in kan i lawm lai.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

EZEKIEL 39:27

Miphun dang hna chungin inn ah ka kirpi hna i an ral hna ram chungin ka pumh hna tikah, annih cu miphun tampi nih hmuh awkin ka thiannak hmuhsaknak ah ka ser hna lai.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

JEREMIAH 31:8

Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.

EZEKIEL 20:34

Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.

ISAIAH 49:12

Ka mi cu lamhla pipi in an ra lai i chaklei le nitlaklei in an ra lai, thlanglei i a ummi Sai-en khua in an ra lai,” a ti.

ISAIAH 54:7

“Caan tawite chung cu kan kaltak, sihmanhsehlaw dawtnak thukpi he kan lak ṭhan.